Zəngilan şəhərinə qayıdışla bağlı keçirilən ilk püşkatmada Sumqayıtda yaşayan ailələr də iştirak ediblər

Sumqayit.tv xəbər verir ki, Zəngilan şəhərinə qayıdışla bağlı ilk püşkatma mərasimi baş tutub. Tədbirdə doğma torpaqlarına dönəcək ailələr arasında uzun illər Sumqayıt şəhərində müvəqqəti məskunlaşan Zəngilan sakinləri də yer alıblar.

Püşkatma nəticəsində seçilən ailələr yaxın günlərdə Zəngilan şəhərində inşa edilmiş yeni yaşayış komplekslərinə köçürüləcəklər. Qayıdış prosesi “Böyük Qayıdış” proqramı çərçivəsində mərhələli şəkildə həyata keçirilir.

Yeni Zəngilan şəhərində sakinlər üçün məktəb, bağça, tibb məntəqəsi və digər sosial infrastruktur obyektləri istifadəyə verilib.

Qeyd edək ki, Sumqayıt və Abşeron ərazisində məskunlaşmış yüzlərlə Zəngilanlı ailə növbəti mərhələlərdə doğma torpaqlarına qayıtmaq üçün gözləyir.

4-11-2025, 17:15 56