Azərbaycanda müxtəlif istiqamətlərdə müntəzəm avtobus marşrutları müsabiqəyə çıxarılır.

Sumqayit.tv məlumat verir ki, Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) açıqlamasına görə, müsabiqəyə həm şəhərlərarası, həm də şəhərdaxili marşrutlar daxildir. Sumqayıt şəhərindən Bakı və digər regionlara sərnişin daşımalarını həyata keçirən marşrutlar da yenilənir.

Məlumata əsasən, müsabiqəyə Sumqayıt–Xankəndi–Laçın və 500 nömrəli Sumqayıt–Bakı marşrutları daxil edilib. Sumqayıt–Xankəndi–Laçın xətti Şuşa-Laçın yolunun infrastruktur vəziyyəti və hava şəraitinə uyğun tənzimlənəcək.

Müsabiqəyə təqdim ediləcək sənədlər 20 dekabr 2025-ci il saat 17:00-dək AYNA-da qəbul olunacaq. Sənədlərlə yanaşı, əsas avtobuslarla birlikdə ehtiyat nəqliyyat vasitələrinin də təqdim edilməsi tələb olunur.

Komissiya tərəfindən marşrutlar dekabr və yanvar aylarında müxtəlif lotlar üzrə qiymətləndiriləcək. Məqsəd sərnişindaşıma xidmətinin keyfiyyətini, təhlükəsizliyini və rahatlığını artırmaqdır.

Əlaqə: Anar Məmmədov, Mob: 050-444-10-75, e-poçt: [email protected]

21-11-2025, 19:46 112