Sumqayıt şəhərinin 21-ci məhəlləsində uzun müddət qəzalı vəziyyətdə olan, sakinlər arasında “Fin evləri” kimi tanınan ikimərtəbəli yaşayış binalarının söküntüsünə başlanılıb.

Sumqayit.tv xəbər verir ki, hazırda ərazidə söküntü işləri xüsusi texnikanın iştirakı ilə və təhlükəsizlik qaydalarına tam riayət olunmaqla aparılır. Prosesə başlamazdan əvvəl briqadalar tərəfindən binalara çəkilmiş bütün kommunikasiya xətləri təhlükəsiz şəkildə ayrılıb. Bunun ardından tikililərin mərhələli sökülməsi həyata keçirilir.

Qeyd edək ki, uzun illər istismar edilən bu binalar yaşayış üçün ciddi təhlükə mənbəyinə çevrilmişdi. Onların sökülməsi Sumqayıt şəhərinin yenidənqurma və abadlıq planına uyğun olaraq icra olunur.

3-02-2026, 15:54 109