Respublika Perinatal Mərkəzində 7 körpənin ölümü ilə nəticələnən yanğın hadisəsi üzrə təqsirləndirilən Mehriban Abasquliyevaya hökm oxunub.
Sumqayit.tv Unikal.az-a istinadən xəbər verir ki, məhkəmənin qərarı ilə o, 7 il 3 ay müddətinə azadlıqdan məhrum edilib və məhkəmə zalında həbs olunub.
Məlumata görə, təqsirləndirilən şəxsin qardaşı Çingiz Bəşirov uzun illər hüquq-mühafizə və məhkəmə sistemində fəaliyyət göstərib. O, müxtəlif dövrlərdə Sumqayıt İnzibati-İqtisad Məhkəməsinin sədri vəzifəsində çalışıb, daha sonra Ali Məhkəmə sədrinin müavini olub.
Qeyd edək ki, Respublika Perinatal Mərkəzində baş vermiş yanğın nəticəsində 7 körpə həyatını itirmişdi.
4-06-2026, 20:42
293
