Dövlət Neft Şirkətinin (SOCAR) "Azəriqaz” İstehsalat Birliyi sahibkarlarla növbəti dəfə görüş keçirib.

Sumqayit.tv "Azəriqaz”a istinadən verdiyi məlumata görə, "Açıq mikrofon” aksiyası çərçivəsində sahibkarların problem və təkliflərini dinləmək, onlara lazımi köməklik olunması üçün "Səyyar qəbul otağı” Sumqayıt sahibkarlarının ixtiyarında olub.
Görüşdə "Azəriqaz”ın baş direktorunun satış üzrə müavini Rəşad Cavadov, digər məsul şəxslər, İqtisadiyyat Nazirliyi yanında Kiçik və Orta Biznesin İnkişafı Agentliyinin nümayəndələri iştirak ediblər. Görüşdə sahibkarları maraqlandıran bütün suallar cavablandırılıb.
Bu gün təşkil olunan aksiya ümumilikdə sayca 30-cu, sahibkarlarla isə sayca 9-cu görüşdür.