Qanunsuz silahlar aşkar olunaraq götürülüb
Daxili İşlər Nazirliyindən Sumqayit.tv-yə verilən məlumata görə, Daxili işlər orqanları tərəfindən qanunsuz saxlanılan silah-sursatın aşkar edilərək götürülməsi məqsədilə əməliyyat-axtarış tədbirləri davam etdirilir. Tədbirlərlə dekabrın 8-də respublikanın ayrı-ayrı rayonlarında vətəndaşlardan müvafiq sənədləri və icazəsi olmayan 16 ədəd ov tüfəngi aşkar olunaraq götürülüb.
Polis əməkdaşları tərəfindən Biləsuvar rayonunda Bəydili kənd sakini Ş.Adışovdan, Astara rayonunda Şiyəkəran kənd sakini B.Nəcəfovdan, Zərdab rayonunda Qoruqbağı kənd sakini Ş.Rəsulovdan, Ucar rayonunda Çiyni kənd sakini R.Əliyevdən, Beyləqan rayonunda İmamverdilər kənd sakini M.Abdullayevdən, Örənqala kənd sakini E.Əliyevdən, Ağdaş rayonunda Qolqəti kənd sakini P.Əyyubovdan, Hacıqabul rayonunda Rəncbər kənd sakini İ.Qəhrəmanovdan, Qəbələ rayonunda Nic qəsəbə sakinləri Q.Çələbiyevdən, R.Qiqinaridən və M.Kamanovdan qanunsuz saxladıqları müxtəlif markalı ov tüfəngləri aşkar edilərək götürülüb.
Polis əməkdaşları tərəfindən aparılan profilaktiki tədbirlər nəticəsində Siyəzən, Ağsu, Goranboy və Şəki rayonlarında 4 vətəndaş qanunsuz saxladıqları “İJ” markalı ov tüfənglərini könüllü olaraq rayon polis şöbələrinə təhvil veriblər.
Silahlar aidiyyəti üzrə təhvil verilib. Bütün faktlar üzrə polis şöbələrində müvafiq araşdırmalar aparılır.
Daxili İşlər Nazirliyi bir daha vətəndaşlara müraciət edərək bildirir ki, əllərdə saxlanılan qanunsuz odlu silah-sursat könüllü olaraq hüquq-mühafizə orqanlarına təhvil verilməlidir.
9-12-2021, 13:16
168
