Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.

Sumqayit.tv xəbər verir ki, nəzarət tədbirləri çərçivəsində 2021-ci il dekabrın 21-də ölkə üzrə 395 ictimai iaşə obyektində 687 monitorinq keçirilib. Monitorinqlər zamanı 7 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Səbail ‎rayonu, Salyan şosesi, ev 19, 20-ci yaşayış massivində yerləşən, fiziki şəxs Kazımlı Şakir Şahin oğluna məxsus kafe;
2. Bakı şəhəri, Nəsimi ‎rayonu, M. Mirqasımov küç., ev 28 ünvanında yerləşən, fiziki şəxs Əliyev Rauf Tair oğluna məxsus kafe;
3. Bakı şəhəri, Nizami ‎rayonu, Oqtay Vəliyev küçəsi 30 ünvanında yerləşən, hüquqi şəxs "NİCAT-K" firmasına məxsus “Azəri Pivə Bar”;
4. Kürdəmir rayonu, Karrar qəsəbəsində yerləşən, fiziki şəxs Nəsirov Rahid Vahid oğluna məxsus kafe;
5. Kürdəmir rayonu, Karrar qəsəbəsində yerləşən, fiziki şəxs Məmmədov Mübariz Yaqub oğluna məxsus kafe;
6. Zaqatala rayonu, F. Əmirov küçəsi 25 ünvanında yerləşən, fiziki şəxs Məmmədov Akif Rəhim oğluna məxsus kafe;
7. Zaqatala rayonu, Əliyev pr., ev 161 ünvanında yerləşən, fiziki şəxs Əsədov Altun Ülfət oğluna məxsus “Elite Palace” restoranı.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.