Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.

Sumqayit.tv xəbər verir ki, nəzarət tədbirləri çərçivəsində 2022-ci il yanvarın 4-də ölkə üzrə 406 ictimai iaşə obyektində 718 monitorinq keçirilib. Monitorinqlər zamanı 4 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.
Pozuntular aşkar edilmiş ictimai iaşə müəssisələri aşağıdakılardır:

1. Bakı şəhəri, Sabunçu ‎rayonu, B. Bünyadov küç., ev 510 ünvanında yerləşən, fiziki şəxs İssi Ercana məxsus yeməkxana;
2. Bakı şəhəri, Səbail ‎rayonu, Azərbaycan pr. 29 ünvanında yerləşən, fiziki şəxs Bağırov İlqar Şamil oğluna məxsus kafe;
3. Bakı şəhəri, Yasamal rayonu, Şərifzadə küç., ev 75A ünvanında yerləşən, fiziki şəxs Əkbərov Səməd Zahir oğluna məxsus “Adana Ailəvi” restoranı;
4. Bakı şəhəri, Nizami rayonu, Süleymanov küçəsi 126 ünvanında yerləşən, fiziki şəxs Hacımuradov İlqar İsrafil oğluna məxsus kafe.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.