Rusiya prezidenti Vladimir Putin və Ukrayna lideri Volodimir Zelenski İndoneziyada keçiriləcək G20 sammitinə dəvət olunublar.
 
Bu haqda France-Presse Agentliyi məlumat yayıb.
 
Bundan əvvəl Zelenski İndoneziya prezidenti Coko Vidodo ilə danışıqlar apardığını və onu G20 sammitinə dəvət etdiyinə görə həmkarına təşəkkür etdiyini bildirmişdi.
 
Sözügedən sammit ilin sonunda Bali adasında keçiriləcək. Hələlik nə Vladimir Putin, nə də Vladimir Zelenski görüşlərinin keçirilə biləcəyi G20-yə gedəcəklərini rəsmi şəkildə təsdiqləməyiblər.
Bununla belə, İndoneziya prezidenti Putinlə dünənki söhbətdən sonra bildirib ki, Rusiya prezidenti noyabrda keçiriləcək sammitə gəlmək planlarını təsdiqləyib.