Amerikanın Ukraynaya hərbi yardımının yeni tranşına haubitsalar və PUA-lar daxil olacaq, onlar bir gün ərzində on iki təyyarə ilə çatdırılacaq.
Bu haqda məlumatı Pentaqon yayıb.

“Yaxın 24 saat ərzində ABŞ-dan 12-dən çox reys gözlənilir” – deyə qurumun yüksək rütbəli nümayəndəsi jurnalistlərə bildirib. Yeni tranşa 155 mm-lik haubitsalar, onların döyüş sursatları, Phoenix PUA-ları və radarlar daxil olacaq.
Qurumun nümayəndəsi həmçinin əlavə edib ki, ölkədən kənarda 100-dən çox ukraynalı artilleriyadan istifadə üzrə təlim keçir.