Sumqayıt Şəhər Məhkəməsində qəsdən sağlamlığa az ağır zərər vurmada təqsirləndirilən Elgün Ömərovun (adı, soyadı şərtidir) cinayət işi üzrə məhkəmə istintaqı başa çatıb.

Sumqayit.tv xəbər verir ki, Pravda.az-ın əldə etdiyi məlumata görə, hakim Ramiz Quliyevin sədrliyi ilə keçirilən prosesdə hökm oxunub.

Məhkəmənin hökmü o, 8 ay müddətə azadlığın məhdudlaşdırılması (elektron qolbaq) cəzasına məhkum edilib.

İttihama görə, hadisə bu il Sumqayıt şəhərində yerləşən “Enjoy" restoranında qeydə alınıb.

Belə ki, Elgün Ömərov əvvəllər sevgi münasibətində olduğu zərərçəkmiş Nailə Babaşova (adı, soyadı şərtidir) ilə mübahisə edib. Buna səbəb isə qadının ondan xəbərsiz rəfiqəsi ilə restorana getməsi olub. Bir dəqiqə ərzində davam edən mübahisə zamanı Elgün əli ilə Nailənin sağ əlindən bir neçə dəfə vuraraq, sağlamlığına az ağır zərər yetirib.

Hadisədən sonra Elgün Ömərov saxlanılaraq cinayət məsuliyyətinə cəlb edilib.

Nailə Babaşov məhkəmədə təqsirləndirilən şəxslə barışdığını, ondan şikayətçi olmadığını bildirib.

Bu gün, 16:58 6