Abşeronda 35 yaşlı kişinin qətlə yetirilməsi ilə bağlı cinayət işi üzrə məhkəmənin yekun iclası Sumqayıt Ağır Cinayətlər Məhkəməsində keçirilib.

Sumqayit.tv xəbər verir ki, hakim Aynur Rzayevanın sədrliyi ilə keçirilən prosesdə hökm elan olunub.

Hökmə əsasən, İlkin Novruzov 17 il müddətinə azadlıqdan məhrum edilib.

Qeyd edək ki, hadisə bu ilin mayın 16-da Abşeron rayonunun Xırdalan şəhərində baş verib. 1990-cı il təvəllüdlü Heybət Mahir oğlu Quliyev bıçaqlanaraq qətlə yetirilib. Cinayəti törətməkdə şübhəli bilinən 1998-ci il təvəllüdlü İlkin Novruzov saxlanılıb.

İlkin versiyalara görə, hadisəyə 8 manat borc üstündə yaranan mübahisə səbəb olub.

Faktla bağlı Abşeron rayon Prokurorluğunda cinayət işi başlanıb və təqsirləndirilən şəxsə Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham irəli sürülüb. //APA

29-10-2025, 16:08 97