Bu gün səhər saatlarında Bakı–Sumqayıt magistralının Abşeron rayonu ərazisindən keçən hissəsində ağır yol qəzası baş verib.

Sumqayit.tv xəbər verir ki, yağışlı hava şəraiti səbəbindən yük avtomobili idarəetməni itirərək metal arakəsmələrə çırpılıb. Qəza nəticəsində avtomobil tam yararsız hala düşüb, kuzadakı yükün bir hissəsi yola səpələnib.

Zərbənin gücündən metal arakəsmələr dağılıb, yolun ortasında yerləşən işıq dirəyi aşıb və hərəkət üçün təhlükəli vəziyyət yaranıb.

Hadisə yerinə cəlb olunan polis əməkdaşları və digər sürücülərin köməyi ilə yol qısa müddətdə təmizlənib və hərəkətin bərpası təmin edilib.

/Sumqayıt24.az

Hadisə yerindən görüntüləri təqdim edirik:

5-11-2025, 11:35 60