Bakı-Quba magistralında iki gəncin ölümü ilə nəticələnən dəhşətli yol qəzası baş verib.

Sumayit.tv xəbər verir ki, Sumqayıt şəhəri yaxınlığındakı Hacı Zeynalabdin qəsəbəsindən keçən yolda iki nəqliyyat vasitəsinin toqquşması ağır itkilərə səbəb olub.

Hadisə nəticəsində 23 yaşlı Ramal Cəmaləddin oğlu Mirzəyev və onun 18 yaşlı bacısı Səma Cəmaləddin qızı Mirzəyeva aldıqları ağır xəsarətlərdən hadisə yerindəcə dünyasını dəyişiblər. Qəzada həyatını itirən Səma Mirzəyevanın Bakı Dövlət Universitetinin (BDU) Beynəlxalq münasibətlər və iqtisadiyyat fakültəsinin III kurs tələbəsi olduğu məlum olub. Universitet rəhbərliyi gənc tələbənin vəfatı ilə bağlı kədərini ifadə edərək, onun “Dövlət və ictimai münasibətlər” ixtisası üzrə təhsil aldığını təsdiqləyib.

Hazırda faktla bağlı hüquq-mühafizə orqanları tərəfindən geniş araşdırma aparılır və hadisənin dəqiq səbəbləri müəyyənləşdirilir. (Qafqazinfo)