Sumqayıt şəhərində iaşə obyektində yanğın hadisəsi baş verib.

Sumqayit.tv xəbər verir ki, hadisə Sumqayıt şəhəri 45-ci məhəllə ərazisində yerləşən Badə pivəxanasında qeydə alınıb. Əraziyə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları və xüsusi texnikalar cəlb olunub.

Yanğın qısa müddətdə söndürülüb. Görülən operativ tədbirlər nəticəsində alovun obyektin üzərində yerləşən mənzillərə keçməsinin qarşısı alınıb.

Hadisə yerində polis əməkdaşları tərəfindən təhlükəsizlik tədbirləri görülüb. Yanğının başvermə səbəbləri araşdırılır.

12-03-2026, 20:25 35