Sumqayıt şəhərində bıçaqlanma hadisəsi baş verib.

Sumqayit.tv xəbər verir ki, şəhərin 1-ci mikrorayonu ərazisində 46 yaşlı qadın bıçaq xəsarətləri alıb. 1980-ci il təvəllüdlü Səbirə İslamova dərhal xəstəxanaya yerləşdirilib.

Araşdırmalar zamanı məlum olub ki, hadisə ailə münaqişəsi zəminində baş verib. Qadın aralarında yaranmış mübahisə zamanı qardaşı – 1985-ci il təvəllüdlü Ramil Əmrahov tərəfindən bıçaqlanıb.

Polis əməkdaşlarının keçirdiyi əməliyyat tədbirləri nəticəsində hadisəni törətməkdə şübhəli bilinən şəxs saxlanılıb.

Faktla bağlı araşdırmalar davam etdirilir.