Narkomanlığa və narkotik vasitələrin qanunsuz dövriyyəsinə qarşı mübarizə üzrə 2026-cı ilin yanvar-aprel aylarının yekun statistikası açıqlanıb.

Sumqayit.tv xəbər verir ki, Dövlət Komissiyasının İşçi Qrupu tərəfindən yayılan məlumata əsasən, hazırda metadonla əvəzedici müalicə proqramı üzrə Sumqayıt Narkoloji Mərkəzində 125 nəfər müalicə alır.

Bildirilib ki, ümumilikdə ölkə üzrə 3 məntəqədə 696 nəfər bu proqram çərçivəsində müalicəyə cəlb olunub.

Məlumata görə, 2026-cı ilin ilk 4 ayı ərzində hüquq-mühafizə orqanları tərəfindən narkotik vasitələrin qanunsuz dövriyyəsi ilə bağlı ümumilikdə 3061 cinayət faktı aşkarlanıb.

Aşkarlanan faktlar üzrə qanunsuz dövriyyədən 3 ton 529 kiloqramdan artıq narkotik vasitə və psixotrop maddə götürülüb. Müsadirə olunan narkotik vasitələrin ümumi dəyərinin isə 92 milyon manatdan çox olduğu bildirilib.

Qeyd olunub ki, hesabat dövründə narkotiklərin qanunsuz dövriyyəsi ilə bağlı 1505 nəfər cinayət məsuliyyətinə cəlb edilib.

Bu gün, 16:52 5