Daxili işlər Nazirliyindən Sumqayit.tv-yə verilən məlumata görə, Qaradağ RPİ 38-ci Polis Bölməsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Ümid qəsəbə sakini Xəyal Verdiyevdən “AKM” markalı avtomat silahı, 1 ədəd patron darağı və 9 ədəd patron aşkar edilərək götürülüb. 

Nəqliyyatda Baş Polis İdarəsinin əməkdaşları tərəfindən Horadiz dəmir yolu stansiyası ərazisindən 2 ədəd qumbara, 1 ədəd qumbaraatan mərmisi, 1 ədəd “AK-74” markalı avtomat silahı, 1496 müxtəlif çaplı patron, 1 ədəd “R-392” markalı radiostansiya, 2 ədəd qumbara alışdırıcısı və 3 ədəd patron darağı tapılıb. 

Polis əməkdaşları tərəfindən aparılan profilaktiki tədbirlər nəticəsində Gəncə şəhər sakini Sadiq Bağırov tapdığı “Naqan” markalı tapançanı və 79 ədəd müxtəlif çaplı patronu könüllü olaraq Nəqliyyatda Baş Polis İdarəsinə təhvil verib.

Qusar Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş Akif Ağaxanovdan nömrəsi silinən “AKM” markalı silah, 1 ədəd səsboğucu, 6 ədəd patron və 1 ədəd patron darağı aşkar edilərək götürülüb.