Sumqayıt Regional Mədəniyyət İdarəsinə tabeli Qubadlı Rayon Nümayəndəliyi tərəfindən Sumqayıt şəhər 42-ci məhəllə 2 saylı binanın qarşısında Azərbaycanın Milli Qəhrəmanı Əliyar Əliyevin anım mərasimi keçirilib.
Sumqayit.tv-in məlumatına görə tədbirdə Qubadlı Rayon İcra Hakimiyyətinin Başçısının müavini Allahverdi Haqverdiyev və digər məsul işçiləri, YAP-nın Qubadlı Rayon Təşkilatının sədri Təhmasib Rüstəmov, məktəb direktorları, rayon ictimaiyyəti, Milli Qəhrəmanın ailə üzvləri iştirak ediblər. Aparıcı şəhidin keçdiyi şərəfli həyat yolu haqqında geniş məlumat verib, vətənimizin azadlığı uğrunda canlarından keçən bütün şəhidlərin əziz xatirəsi bir dəqiqəlik sükutla yad edilib. Çıxış edənlər şəhidin xoş xatirələrindən danışıb, şair Elbrus Qayalı, şairə Qaratel Azəri Əlyar Əliyevə həsr etdikləri şeirləri söyləyiblər. Vasili Əliyev adına Rayon Mədəniyyət evi və Mahmudlu kənd Mədəniyyət evinin hazırladığı kompozisiya, şeirlər dinlənilib. Qonaqlar tərəfindən qəhrəmanın abidəsi önünə tər qərənfillər düzülüb.
Allah bütün şəhidlərimizə rəhmət eləsin!