Ermənistan Azərbaycana qarşı növbəti təxribat planlaşdırır. Bu təxribatın hazırlanmasında və həyata keçirilməsini İran SEPAH-ın 30 hərbçisindən ibarət diversiya qrupu iştirak edəcək.
Bu sensasiyalı məlumatı Haqqın.az saytı yayıb.
Sayt bildirir ki, diplomatik mənbələrdən bu məlumatı əldə edib. Hazırda SEPAH-ın İrandakı etnik azərbaycanlılardan ibarət xüsusi hazırlanmış diversiya qrupu Ermənistan-Azərbaycan sərhədinin yaxınlığında, Sünik rayonu ərazisində toplaşıb. Burada Ermənistan Müdafiə Nazirliyi və Təhlükəsizlik Xidməti ilə birgə hazırlıq işləri aparılır.
İrandan olan operativ qrupa SEPAH-ın generalı rəhbərlik edir. Bu şəxsin adı Azərbaycan hökumətinə məlumdur. Bu adam uzun müddət Suriyada xidmət edib və diversiya-terror, lokal hərbi əməliyyatlara rəhbərlik edib. Azərbaycan tərəfində SEPAH-ın diversiya qrupunun komandirləri və bəzi döyüşçüləri haqqında məlumatlar var.
Məlumata görə, diversiya qrupu Laçın və Qubadlı rayonları istiqamətində iki hucum əməliyatı hazırlayırlar. Qrup Ermənistan ordusunun hərbi geyimində birinci hucum Azərbaycan ordusunun postuna edəcək. Azərbaycan hərbçilərinin geyimində olan ikinci qrup erməni postlarından birinə hucum edəcək və oradakı əsgərləri məhv edəcək. Bu zaman həmin öldürülmə səhnələri və Azərbaycan dilində danışıqlar videoya çəkiləcək.
Məlumatda deyilir ki, bu təxribatın cavabında Sünik rayonuna SEPAH-ın əlavə qüvvələri gətiriləcək və Azərbaycan postlarına hucumlar olunacaq. Bu zaman “Shaheed” PUA-larından istifadə ediləcək.
Diversiyanın əsas məqsədi Avropa İttifaqının missiyası üçün Azərbaycanın “növbəti təcavüzü” ilə bağlı subutlar yığmaqdır. Eyni zamanda beynəlxalq ictimaiyyət arasında Bakıya qarşı təbliğata yön verməkdir. Bundan başqa planlaşdırılan təxribatla İran ordusunun Ermənistan ərazisinə daxil olmasına hüquqi əsas yaratmaqdır.
Həmçinin faktlarla subut edilib ki, Laçın yolu ilə Qarabağa 30 iranlı gəlib və indiyə qədər oradadrılar. Onların SEPAH-la əlaqəli olduğu təsdiq edilib.//Azpost.info