Bu gün unudulmaz dostum Rəşad Süleymanovun ad günüdür. Yaşasaydı 40 yaşını qeyd edəcəkdik. Rəşad Süleymanov hər birimizin qəlbində əbədi olaraq yaşayacaq. Rəşadın doğum günü yaxınları, istərsə də qohum-əqrəbası, dost-tanışları tərəfindən yada salınır, qeyd olunur.

Hərbi jurnalistikada kifayət qədər söz sahibi olmuş Rəşad Süleymanovun ideya və prinsipləri hər zaman dövlətimizin və xalqımızın mənafeyinə xidmət edib. Rəşad Süleymanov hərbi jurnalistikada silinməz izlər qoyub. Azərbaycanda hərb və müdafiə sahəsində ixtisaslaşan az saylı jurnalistlərdən biri idi. Onun yüksək peşəkarlığı və istedadı jurnalistika cameəsində daim yüksək qiymətləndirilirdi. 

Müqəddəs savaşımızın davam etdiyi müddətdə hərbi jurnalist və ekspert kimi cəmiyyətin informasiyalarla təminatı, həm də ictimai rəyin düzgün formalaşdırılması istiqamətində böyük əzmlə çalışan “Poliqon” (“Azeri Defence”) jurnalının mərhum baş redaktoru Rəşad Süleymanov vəfatından sonra Ali Media Mükafatı ilə təltif olunub. Ruhu şad, məqamı uca olsun!