Bu gün Sumqayıt şəhəri 19-cu məhəllədə 1992-ci il 6 avqust tarixində Qubadlı rayon Qarağaclı kənd inzibati ərazi dairəsi üzrə nümayəndəliyindən şəhid olmuş 9 nəfər hərbiçimiz Milli qəhrəman Ağayev Bəylər Tapdıq oğlu, Quliyev Qabil Oruc oğlu, Ağayev Şirin Tapdıq oğlu, Əliyev İlham Əhməd oğlu, İsmayılov Vidadi Ağalar oğlu, Eminov Savalan Əmir oğlu, Cəfərov Babək Tapdıq oğlu, Şirinov Şirin Əhməd oğlu, İsmayılov Aslan Şamil oğlunun xatirə baralyefinin açılışı oldu.

Sumqayit.tv olaraq məlumat veririk ki, tədbir Azərbaycan Respublikasının dövlət himninin səsləndirilməsi və şəhidlərimizin 1 dəqiqəlik sükutla yad edilməsi ilə başladı. Daha sonra tədbir müxtəlif çıxışlarla davam etdi.
İlk olaraq Sumqayıt şəhər Cümə Məscidinin axundu Hacı Rauf Sərdarov çıxış etdi.

Daha sonra Qubadlı rayon İcra Hakimiyyəti başçısının müavini Allahverdi Haqverdiyevə söz verildi. O öz çıxışında Qubadlı rayon İcra Hakimiyyətinin başçısı, cənab Malik İsaqovun salamlarını tədbir iştirakçılarına çatdırdı və şəhidlərimizin qəhrəmanlıq salnaməsindən söz açdı.

Tədbirdə şəhidlərin müəllimi, döyüş yoldaşları və ailə üzvləri baralyefin ərsəyə gəlməsində əməyi olan hər kəsə öz təşəkkürlərini bildirdilər. Tədbir Bədii Qiraət dərnəyinin üzvləri Məmmədli Məhərrəm, Əlizadə İsaq, Əli Hüseynov və s. səsləndirdikləri vətənpərvərlik ruhunda şeir parçaları ilə davam etdi. Sonda tədbir iştirakçıları baralyefin önündə xatirə rəsmi çəkdirdilər.









Müxbir: Şəbnəm Məşiyeva