UEFA Avropa Konfrans Liqasındakı təmsilçimiz “Qarabağ” ilk dəfə təşkil olunan turnirin qrup mərhələsinə vəsiqə qazanıb.
Sumqayit.tv xəbər verir ki, “Qarabağ” Avropa Konfrans Liqasının pley-off mərhələsinin cavab oyunları çərçivəsində səfərdə Şotlandiyanın “Aberdin” klubu ilə qarşılaşıb. Qarşılaşma 3:1 hesabı ilə təmsilçimizin xeyrinə başa çatıb. “Qarabağ”ın qollarını 8-ci dəqiqədə Toral Bayramov, 18-ci dəqiqədə Kadi Borqes və 72-ci dəqiqədə Abdullah Zubir vurub. Qeyd edək ki, bu komandalar arasında bir həftə əvvəl Bakıda keçirilmiş qarşılaşmada təmsilçimiz 1:0 hesabı ilə qalib gəlmişdi.
Avropa Konfrans Liqasının qrup mərhələsinin püşkatma mərasimi bu gün Bakı vaxtı ilə saat 15:30-da İstanbulda keçiriləcək.
 
 ​​​​