Xorvatiyada keçirilən “Zaqreb Open” turnirinin sonuncu günündə Azərbaycanın yunan-Roma güləş yığması daha bir medal qazanıb.
Sumqayit.tv xəbər verir ki, 60 kq çəki dərəcəsində yarışan Nihat Məmmədli finalda, iranlı Mehdi Nejada məğlub olaraq, gümüş medal əldə edib.
Nihat Məmmədli finala kimi ardıcıl olaraq 4 dəfə döşəyi qalib başa vurub..
Qeyd edək ki, daha əvvəl sərbəst güləşçilərdən Əliabbas Rzazadə (57 kq) qızıl, Hacı Əliyev (70 kq) və Georgi Meşvildişvili (125 kq) gümüş, Cəbrayıl Qadjiyev (74 kq), Əli Rəhimzadə (65 kq), Xadjimurad Qadjiyev (70 kq), Osman Nurmaqomedov (92 kq), Maqomedxan Maqomedov (97 kq) bürünc medal əldə ediblər. Qadınlardan Alyona Kolesnik (59 kq) bürünc medala sahib çıxıb. Yunan-Roma güləşçisi Taleh Məmmədov (63 kq) isə qızıl medala sahib çıxıb.