Qılıncoynadanlarımız 16 medalla geri dönür
Gürcüstanda dörd ölkədən 80-ə yaxın idmançının iştirakı ilə qılıncoynatma idman növü üzrə beynəlxalq turnir keçirilib.
Sumqayit.tv xəbər verir ki, turnirdə Təhsil Nazirliyi 1 nömrəli idman liseyinin və “Təhsil” Respublika İdman Mərkəzinin 7 nömrəli ixtisaslaşdırılmış olimpiya ehtiyatları uşaq-gənclər idman məktəbinin idmançıları 5 qızıl, 4 gümüş, 7 bürünc medal qazanıb.
Beynəlxalq yarışda 7 nömrəli ixtisaslaşdırılmış olimpiya ehtiyatları uşaq-gənclər idman məktəbinin oğlanlardan ibarət komandası şpaqa növündə ümümi hesabda I yerə, qızlardan ibarət 1 nömrəli komandası həmin növdə ümumi hesabda I, 2 nömrəli komandası II yerə, 1 nömrəli idman liseyinin 2001-2004-cü il təvəllüdlü idmançılardan ibarət komandası ümumi hesabda I yerə, 2005-2009-cu il təvəllüdlü idmançılardan ibarət komandası II yerə çıxıb.
6-10-2021, 15:17
193
Digər xəbərlər
