Qərbi Azərbaycana Qayıdış “Zəfər” kuboku adlı mini futbol turniri başa çatıb.
Sumqayit.tv xəbər verir ki, “Zəfər” kuboku uğrunda start götürən mini futbol turnirinə, Karvansaray (İcevan) və Çəmbərək (Krosnoselo) rayonlarının 13 kənd klubu qoşulub. Ötən ilin may ayında başlayan yarışın final oyununa,  bu il yanvarın 5-də yekun vurulub. 
Yarımfinal mərhələsinə dörd komanda “Gölkənd FK”, “Çaykənd FK”, “Cil FK” və “Yanıqpəyə FK” çıxıb. Finala çıxmaq üçün “Gölkənd FK”-“Çaykənd FK” üzərində 5-2   “Cil FK” isə “Yanıqpəyə FK” üzərində 3-1 ihesabı ilə qələbə qazanaraq finala çıxıblar.
Gərgin mübarizə şəraitində keçən final oyununda “Gölkənd FK” futbolçuları "Cil FK" üzərində 3-1 hesanbı ilə qələbə qazanaraq,  “Zəfər” kubokunu başları üzərinə qaldırıblar. 
Turnirin bağlanış mərasimində Çəmbərək rayon İcma sədri Əvəz Ələkbərov və Qərbi Azərbaycan İcması gənclərlə iş üzrə məsul şəxsi Anar İrzaquliyev çıxış ediblər.
Qalibləri təbrik edən İcma rəsmiləri bildiriblər ki, bu gün “Zəfər” kuboku uğrunda  mini futbol turnirinin başa çatması, həm də Qərbi Azərbaycana gedən yolun başlanğıcıdır.  Çıxışçılar qeyd ediblər ki, müqəddəs ideya ətrafında birləşən Qərbi Azərbaycan gəncləri zamanı gəlincə belə turnirləri öz ata-baba yurdlarında keçirəcəklər.
İkinci və üçüncü yeri tutan komandalra turnirin təşkilatçıları tərəfindən medallar və diplomlar təqdim edilib.
Bundan başqa turnirin təşkilatçıları tərəfindən Telman Dadaşova ən yaxşı hucumçu, Əfqan Priquluyev ən yaxşı yarımmüdafiəçi, Rasim Daşdəmirov turnirin bombardiri və Əli Mürsəlov turnirin ən gənc oyunçuları naminasiyasına layiq görülüb və diplomlarla mükafatlandırılıb. 
Qalib komandanın üzvlərinə isə kubok, medal və diplomlar verilib. 
Eyni zamanda “Gölkənd FK” futbolçularına sözügedən klubun sponsoru “Qəsr İnşaat” şirkətinin rəhbəri Polad Abdullazadə və Gölkənd sakinləri Atif Səmədov, Mirxan Abışov və Dilqəm Məmmədov tərəfindən həvəsləndiririci xarakterli pul mükafatı və ziyafət verilib.

Qeyd edək ki, Gölkənd futbol komandasının yaranmasında Zərbəli Mansurovun da xüsusi zəhməti və əməyi olmuşdur. 

Hazırladı: Yasin Mansurov