Azərbaycan Premyer Liqasının yeni mövsümündə “Kəpəz” klubu ardıcıl dördüncü dəfə meydanı məğlubiyyətlə tərk edib.
Sumqayit.tv xəbər verir ki, Gəncə təmsilçisi ilk olaraq “Sumqayıt”a uduzmaqla uğursuz seriyaya start verib.

Peşəkar Futbol Liqasının məlumatına görə, “Kəpəz” ilk turda “Sumqayıt” qarşısında 0:3 hesabı ilə məğlub olub. Daha sonra komanda “Karvan-Yevlax”a (2:3), “Zirə”yə (0:5) və “Araz-Naxçıvan”a (0:2) uduzub.

Beləliklə, “Sumqayıt” FK rəqibin ardıcıl məğlubiyyətlər seriyasının başlanğıcında əsas rol oynayan komanda olub.

Qeyd edək ki, bu, “Kəpəz”in tarixində dördüncü dəfədir ki, Azərbaycan çempionatına ilk 4 turda xal qazanmaqla başlaya bilmir.