Futbol üzrə Azərbaycan Kubokunda II təsnifat mərhələsinin oyunları 28-29 oktyabr tarixlərində keçiriləcək.

Sumqayit.tv xəbər verir ki, 28 oktyabr (çərşənbə axşamı) və 29 oktyabr (çərşənbə) oyunlarında ölkənin müxtəlif şəhərlərində komandalar qarşılaşacaq. Sumqayıtın təmsilçisi “Sumqayıt” komandası 29 oktyabr saat 14:00-da Zaqatala şəhərində “Zaqatala” komandası ilə üz-üzə gələcək.

Oyun Zaqatala OİK stadionunda baş tutacaq. Matçın hakimləri Rauf Cabarov, Kamran Bayramov, Səbuhi Soltanov və Murad Səlimov olacaq, hakim-inspektor Rövşən Əhmədov, AFFA nümayəndəsi isə Namiq Əliyevdir.

Azarkeşlər və şəhər sakinləri komandamıza dəstək olmağa çağırılır. Qeyd edək ki, digər oyunlar da müxtəlif stadionlarda keçiriləcək və bəzi qarşılaşmalar “CBC Sport” kanalından canlı yayımlanacaq.

#Sumqayıt #AzərbaycanKuboku #SumqayıtFK #Futbol #SumqayitTV

27-10-2025, 18:34 122