Yerli idmançılar yüksək nəticə göstəriblər

Sumqayit.tv xəbər verir ki, cüdo üzrə böyüklər arasında Abşeron–Xızı region çempionatı Sumqayıt Olimpiya İdman Kompleksində baş tutub.

Turnirdə Abşeron, Xızı və Sumqayıt şəhərlərini təmsil edən idmançılar 6 çəki dərəcəsində medallar uğrunda mübarizə aparıblar. Yarışın əsas məqsədi — kvotalar əsasında ölkə çempionatında iştirak edəcək idmançıları müəyyənləşdirmək olub.

Sumqayıt təmsilçiləri bir neçə çəki dərəcəsində uğur qazanıblar:

73 kq çəki dərəcəsində Hüseyn Mərdiyev (Sumqayıt şəhəri 1 nömrəli İOEUGİŞM) ikinci yeri tutub;

90 kq çəki dərəcəsində Zeynalabdin Xudaverdizadə (Sumqayıt OİK) qızıl medal qazanıb;

100 kq çəki dərəcəsində Atababa Niftəliyev (“Qara Bəbir Sumqayıt”) birinci yerin sahibi olub.

Turnir Azərbaycan Cüdo Federasiyasının dəstəyi ilə təşkil olunub və yarışın nəticələrinə əsasən qaliblər qarşıdakı respublika çempionatına vəsiqə qazanıblar.

Yarış həm regionun idman həyatında mühüm hadisə sayılır, həm də Sumqayıtda cüdonun inkişafına verilən diqqətin bariz nümunəsi kimi dəyərləndirilir.

4-11-2025, 17:58 99