Azərbaycanın U-19 milli komandası Avropa çempionatına hazırlaşır, heyətdə “Sumqayıt” klubunun üç futbolçusu da var.

Sumqayit.tv xəbər verir ki, Azərbaycanın 19 yaşadək futbolçulardan ibarət millisi Maltada keçiriləcək Avropa çempionatının seçmə mərhələsi üçün heyətini açıqlayıb.

AFFA-nın Mətbuat Xidmətindən bildirilib ki, baş məşqçi Elxan Abdullayevin rəhbərliyi ilə komanda noyabrın 5-dən 8-dək Bakıda təlim-məşq toplanışı keçirəcək.

Millimiz seçmə mərhələdə Çexiya, Şimali İrlandiya və Malta yığmaları ilə mübarizə aparacaq.

Heyətdə “Sumqayıt” futbol klubunun oyunçuları – Vüsal Paşayev, Nadir Orucov və Nihad Orucəli də yer alıblar. Onlar milli komandanın şərəfini qorumaqla yanaşı, Sumqayıt futbol məktəbinin uğurunu da təmsil edəcəklər.

Avropa çempionatının seçmə mərhələsi noyabrın 9-dan 19-dək keçiriləcək.

5-11-2025, 14:05 166