Misli Premyer Liqasında cari mövsümün ilk yarısındakı oyunları stadionlardan 124 min 60 tamaşaçı izləyib.

Sumqayit.tv xəbər verir ki, bu barədə Peşəkar Futbol Liqası (PFL) məlumat yayıb.

Bildirilib ki, 95 matçda orta göstərici 1 306-ya bərabər olub.

XII turun "Sumqayıt" - "Qarabağ" matçında (2:4) daha çox tamaşaçı qeydə alınıb. Mehdi Hüseynzadə adına Sumqayıt şəhər stadionu 9 100 azarkeş toplayıb.

Daha bir görüşdə bu rəqəm 5 mindən yuxarı olub. X turun "Turan Tovuz" - "Şamaxı" qarşılaşmasını (2:1) Tovuz şəhər stadionunda 5 800 izləyici seyr edib.

"Sumqayıt" ev oyunlarındakı orta tamaşaçı sayında birinci yerdə qərarlaşıb. "Turan Tovuz"un ikinci olduğu siyahıda ilk üçlüyü "Neftçi" qapayır.