AFFA-nın Hakimlər Komitəsinin üzvü, sabiq FIFA referisi Orxan Məmmədovun iştirakı ilə “Sumqayıt” futbol klubunun oğlanlardan və qızlardan ibarət əsas komandaları üçün maarifləndirici seminar keçirilib.

Sumqayit.tv xəbər verir ki, tədbir Mehdi Hüseynzadə adına Sumqayıt şəhər stadionunun konfrans zalında təşkil olunub. Seminarda klubun məşqçi heyəti və futbolçular iştirak ediblər.

Görüş zamanı Orxan Məmmədov hakim idarəçiliyində tətbiq olunan son dəyişikliklər, yeni qaydalar və oyun epizodlarının qiymətləndirilməsi ilə bağlı ətraflı məlumat verib. Futbolçuları maraqlandıran suallar cavablandırılıb, real oyun nümunələri əsasında izahlar aparılıb.

Qeyd olunub ki, bu cür maarifləndirici tədbirlər futbolçuların qaydalara daha dərindən bələd olmasına, oyun zamanı anlaşılmazlıqların azalmasına və ümumi futbol mədəniyyətinin inkişafına xidmət edir.

Dünən, 10:15 5