Misli Premyer Liqasında çıxış edən “Sabah” ardıcıl yeddinci qələbəsini qazanaraq klub tarixinin rekordunu təkrarlayıb.

Sumqayit.tv xəbər verir ki, Peşəkar Futbol Liqasının (PFL) rəsmi məlumatına əsasən, paytaxt təmsilçisi XVIII tur çərçivəsində “Zirə” üzərində 3:1 hesablı qələbə qazanıb.

Bununla da “Sabah” ardıcıl qələbə seriyasını davam etdirib. Qeyd edək ki, bu seriya çərçivəsində Bakı klubu daha əvvəl “İmişli”, “Neftçi”, “Turan Tovuz”, “Qarabağ”, “Sumqayıt” və “Karvan-Yevlax” üzərində də qələbə qazanıb. “Sumqayıt”la qarşılaşma 3:1 hesabı ilə yekunlaşıb.

Məlumata görə, “Sabah” bu yeddi oyunluq qələbə seriyasında ümumilikdə 20 qol vurub, 5 qol buraxıb. Bu, komandanın Premyer Liqadakı ən məhsuldar seriyalarından biri kimi qeydə alınıb.

Xatırladaq ki, “Sabah” Premyer Liqada ardıcıl yeddi qələbə rekorduna daha əvvəl də – 2022-ci ildə imza atmışdı. Hazırkı nəticə həmin göstəricinin təkrarı hesab olunur.

Bu gün, 14:15 4