Vaxtilə “Sumqayıt” FK-da çıxış etmiş Ehtiram Şahverdiyev və Aleksey İsayev Premyer Liqada 200-cü oyunlarını keçiriblər.

Sumqayit.tv xəbər verir ki, hər iki futbolçu Azərbaycan Premyer Liqasında 200-cü oyununa çıxıb.

Hazırda “Kəpəz”in formasını geyinən Ehtiram Şahverdiyev yubiley matçını “Araz-Naxçıvan”a qarşı keçirib. O, Premyer Liqada “Sumqayıt”ın heyətində 43 oyunda meydana çıxaraq 1 qola imza atıb.

“Sabah”ın yarımmüdafiəçisi Aleksey İsayev isə 200-cü oyununu “Neftçi”yə qarşı keçirib və yubiley matçında fərqlənməyi bacarıb. Futbolçu Premyer Liqadakı debütünü məhz “Sumqayıt”ın heyətində edib. O, klubun formasında 38 oyunda iştirak edib.

Qeyd edək ki, hər iki futbolçu müxtəlif dövrlərdə “Sumqayıt” FK-nın heyətində çıxış edərək komandanın uğurlarında pay sahibi olublar.