Abşeron Olimpiya İdman Kompleksində kişilər arasında cüdo üzrə Liqa yarışının II turu keçirilib.

Sumqayit.tv xəbər verir ki, yarışda 44 klub və idman cəmiyyətini təmsil edən 214 idmançı müxtəlif çəki dərəcələrində mübarizə aparıb.

Turnirdə Sumqayıt Olimpiya İdman Kompleksinin təmsilçisi Zeynalabdin Xudaverdizadə uğurlu çıxışı ilə diqqət çəkib.

Belə ki, idmançı 90 kq çəki dərəcəsində ikinci yeri tutaraq gümüş medal qazanıb.

Qeyd edək ki, kişilər arasında Liqa yarışının bu il 3 turunun keçirilməsi planlaşdırılır və turların yekununda cüdoçuların reytinq siyahısı formalaşdırılacaq.

Bu gün, 10:48 6