Braziliya millisinin DÇ-2026 ilə erkən vidalaşmasından sonra komandanın ABŞ-dan vətənə qayıdan çarter reysində cəmi bir futbolçunun olduğu iddia edilir.
Sumqayit.tv Teleqraf-a istinadən xəbər verir ki, "Metropoles" nəşrinin yaydığı məlumata görə, Braziliya yığmasının vətənə qayıdan yeganə futbolçusu müdafiəçi Danilo olub.
Hazırda "Flamenqo" klubunun formasını geyinən 34 yaşlı futbolçu karyerası ərzində "Real Madrid" və "Mançester Siti" kimi nüfuzlu klublarda çıxış edib.
Məlumata əsasən, Braziliya millisinin digər üzvləri dünya çempionatı başa çatdıqdan sonra ölkələrinə qayıtmaq əvəzinə istirahətə yollanıblar. Komandanın baş məşqçisi Karlo Ançelotti isə Kanadaya uçub.
Qeyd edək ki, Braziliya millisi DÇ-2026-nın 1/8 final mərhələsində Norveçə 1:2 hesabı ilə məğlub olaraq turnirlə vidalaşıb. Bu nəticə yığmanın XXI əsrdə dünya çempionatlarında göstərdiyi ən zəif nəticə kimi tarixə düşüb.
8-07-2026, 16:05
46
