Bu gün İsveçrənin Nyon şəhərində UEFA Millətlər Liqası turnirinin 2022/23-cü illər mövsümünün püşkatma mərasimi keçiriləcək. COVID-19 pandemiyası ilə əlaqədar onlayn formatda təşkil olunacaq püşkatma Bakı vaxtı ilə saat 21:00-da başlayacaq.


Qeyd edək ki, C Liqasının 3-cü səbətində qərarlaşan milli komandamızın potensial rəqibləri məlumdur. Millimiz 1-ci səbətdən Türkiyə, Slovakiya, Bolqarıstan, Şimali İrlandiya, 2-ci səbətdən Yunanıstan, Belarus, Lüksemburq, Şimali Makedoniya, 4-cü səbətdən isə Qazaxıstan/Moldova, Kipr/Estoniya, Cəbəllütariq və Farer adaları kimi komandalardan müəyyənləşəcək qrupda yer alacaq.