"Legiya" klubun futbolçusu Mahir Emreli ilə bağlı bəyanat yayıb.

Sumqayit.tv klubun saytına istinadən xəbər verir ki, açıqlamada Emrelinin müqavilə ilə Varşava təmsilçisinə məxsus olduğu vurğulanıb: "Nəzərinizə çatdırırıq ki, Mahir Emrelinin müqaviləsi var və o, klubun oyunçusudur. "Legiya" dəfələrlə futbolçunu kluba qayıtmağa və müqavilə üzrə öhdəliklərini yenidən yerinə yetirməyə çağırıb və ona lazım olan bütün dəstəyi təklif edib. Klub Emreli ilə daim razılığa gəlməyə çalışır, futbolçu və onun nümayəndələri ilə danışıqlar aparır. Eyni zamanda, klub onların məxfiliyini və danışıqların yaxşı tərəflərini nəzərə alaraq, onların məzmununu və nəticələrini açıqlamayacaq".