Fevralın 26-da Rusiyanın paytaxtı Moskvada qaydasız döyüş üzrə növbəti turnir keçirilib. Moskvanın Mərkəzi Ordu İdman Klubu arenasında MMA üzrə ACA liqası üzrə baş tutan turnirdə sumqayıtlı idmançı Tural Rəhimov da çıxış edib. Dünyada ikinci olan döyüş liqasında yeganə azərbaycanlı təmsilçimiz Rəhimov  braziliyalı  Elismar Lima ilə qarşılaşıb. İdmançımız "Sumqayit Azerbaydjan" sədaları altında döyüşə başlayıb. Gərgin və maraqlı mübarizəyə səhnə olan qarşılaşma Tural Rəhimovun qələbəsiylə yekunlaşıb. Hazırda Rəhimov liqada 5-ci pillədə qərarlaşıb.