Bolqarıstanın Plovdiv şəhərində güləş üzrə U23 Avropa çempionatı keçirilib. Yarışa 34 ölkədən 420 idmançı qatılıb. 
 
Çempionatda  Azərbaycan yığma komandasının  tərkibində Təhsil Nazirliyinin Abşeron rayon ixtisaslaşdırılmış olimpiya ehtiyatları uşaq-gənclər idman-şahmat məktəbinin 6 nəfər idmançısı sərbəst güləş növündə mübarizə aparıb. Onlardan kişilər arasında İslam İlyasov (97 kq), qadınların arasında Jalə Əliyeva (62 kq) Avropa çempionu olub, Elnurə Məmmədova (55 kq) gümüş,  Aydın Əhmədov isə (125 kq) bürünc medal qazanıblar. 
 
Qeyd edək ki, 10 çəkidən 9-da təmsil olunan sərbəst güləş üzrə milli komandamız 4 qızıl və 3 bürünc medalla 159 xal toplayaraq komanda hesabında Avropa çempionu olub.