“Çox çətin oyun oldu. Hər bir xal və hər bir qələbə bizim üçün çox önəmlidir”.

Bunu Zaqreb “Dinamo”sunun azərbaycanlı futbolçusu Mahir Emreli deyib.
24 yaşlı hücumçu Xorvatiya çempionatının 30-cu turunda “Riyeka” üzərində 2:1 hesablı səfər qələbəsini dəyərləndirib. Azərbaycan millisinin hücumçusu zaqreblilərin heyətində 79-cu dəqiqədə ilk qolu vurmasına da münasibət bildirib: “Oyuna yaxşı başlamadıq. Çox bəsit qol buraxdıqdan sonra nəzarəti ələ aldıq. İstədiyimiz qolları ikinci hissədə vurduq. “Dinamo”nun heyətində ilk qolumu vurduğum üçün çox xoşbəxtəm. Ümid edirəm ki, belə də davam edəcəyəm".