Türkiyə Xarici İşlər naziri Mövlud Çavuşoğlu yunanıstanlı həmkari Nikos Dendiasla telefonla danışıb.
Sumqayit.tv xəbər verir ki, bu barədə ölkənin Xarici İşlər Nazirliyi açıqlama yayıb.
Bildirilib ki, telefon danışığının baş tutmasının səbəbi Afinada "Qalatasaray"a edilən hörmətsizlik olub.
Qeyd edək ki, yerli "Olimpiakos" komandası ilə yoldaşlıq matçı üçün bu ölkəyə səfər edən "Qalatasaray"ın təqdim etdiyi koronavirus testinin etibarlı olmadığını bildirən liman rəsmiləri yeni testdən keçməyi təklif ediblər. Lakin İstanbul komandası bununla razılaşmayıb və Türkiyəyə geri dönüb.