Türkiyə Texnologiya Komandası Vəqfi Azərbaycanda “Deneyap” texnologiya atelyesi açıb.
Sumqayit.tv APA-nın İstanbul müxbiri xəbər verir ki, bu barədə “HaberTürk” telekanalına müsahibəsində “Baykar Teknoloji” şirkətinin baş direktoru Haluk Bayraktar bildirib.
O qeyd edib ki, atelyenin açılışı “Teknofest Azerbaycan”ın keçirilməsindən sonra baş tutub. H.Bayraktar əlavə edib ki, şirkətin məhsullarının ixrac olunduğu ölkələrdən 200 tələbəyə təqaüd təqdim edib.
H.Bayraktar əlavə edib ki, şirkətin texniki direktoru Selcuk Bayraktar isə Azərbaycanda texnologiya şirkəti təsis edib.
Bundan əlavə, onun sözlərinə görə, bu gün şirkətə qarşı xarici ölkələrdə qarayaxma kampaniyasının həyata keçirildiyi hallar da olur: “Azərbaycanın 44-günlük müharibədə “Bayraktar-TB2” pilotsuz uçuş aparatları ilə torpaqlarını erməni işğalından azad etdiyindən sonra erməni lobbisi “Baykar Teknoloji” şirkətinə qarşı düşmən mövqe sərgiləyir”.