Sumqayıt–Göyçay marşrutu üzrə keçirilən müsabiqənin qalibi müəyyənləşib və yaxın günlərdə xətt üzrə daha keyfiyyətli və təhlükəsiz sərnişindaşıma təmin olunacaq.

Sumqayit.tv xəbər verir ki, Azərbaycan Yerüstü Nəqliyyat Agentliyi (AYNA) tərəfindən sərnişindaşıma sahəsində şəffaflıq və rəqabətin artırılması məqsədilə keçirilən növbəti müsabiqələrin nəticələri açıqlanıb. Qaliblər arasında Sumqayıt şəhərini əhatə edən istiqamət də yer alıb.

Rəsmi məlumata görə, Sumqayıt–Göyçay avtobus marşrutu üzrə müsabiqənin qalibi fiziki şəxs Abbasov Hüseyn Əliabbas oğlu olub. Yeni təhkim olunan marşrutun yaxın günlərdə fəaliyyətə başlaması gözlənilir.

AYNA bildirir ki, məqsəd sərnişinlərin daha təhlükəsiz, keyfiyyətli və rahat nəqliyyat xidmətlərindən istifadə etməsini təmin etməkdir. Marşrutların seçimi “Avtomobil nəqliyyatı haqqında” Qanuna və müvafiq qaydalara uyğun şəkildə aparılıb.

Bu qərar Sumqayıt–Göyçay istiqamətində gediş-gəlişdən istifadə edən vətəndaşların rahatlığına müsbət təsir edəcək.

4-12-2025, 12:50 27