Sumqayıt şəhərində kirayə mənzil fondu genişləndirilib.
Sumqayit.tv İpoteka və Kredit Zəmanət Fonduna istibadən xəbər verir ki, Sülh küçəsində yerləşən yaşayış kompleksində 188 yeni, tam təmirli mənzil vətəndaşlara təqdim edilib.

Mənzillər 1, 2 və 3 otaqlı olmaqla, aylıq ödənişləri 347 manatdan başlayır. Yeni mənzillərdən seçim etmək istəyən vətəndaşlar üçün müraciətlər 15 dekabr, saat 15:00-dan etibarən açıq olacaq. Seçim və müraciət prosesi Elektron hökumət portalı (e-gov.az) üzərindən, Elektron ipoteka və kredit zəmanət sistemi vasitəsilə aparılır.

Qeyd edək ki, satmaq öhdəliyi ilə kirayə mexanizmi çərçivəsində indiyə qədər 8 495 kirayə müqaviləsi bağlanıb. Bu addım Sumqayıtda kirayə mənzil imkanlarının artırılması və vətəndaşların yaşama şəraitinin yaxşılaşdırılması istiqamətində atılan mühüm addımlardan biridir.

8-12-2025, 17:21 65