İpoteka və Kredit Zəmanət Fondu "satmaq öhdəliyi ilə kirayəyə vermə" mexanizmi üzrə yaşayış sahələrinin satın alınması ilə bağlı tender prosedurunu başa çatdırıb.

Sumqayit.tv xəbər verir ki, müsabiqənin qalibi "Maksimus" MMC olub.

Tenderin məbləği 68 milyon 703 min 95 manat 9 qəpik təşkil edir.

Satınalma çərçivəsində yaşayış sahələrinin Sumqayıt şəhərinin inzibati ərazisinə daxil olan yaşayış massivləri üzrə əldə edilməsi nəzərdə tutulur. Tender şərtlərinə əsasən, təchizatçı tərəfindən təqdim edilən yaşayış sahələrinin ümumi sahəsi 20 min kvadratmetrdən az olmamalıdır. /Oxu.az