2026-cı ilin ilk günündən Azərbaycanda qüvvəyə minən bir sıra qanunvericilik dəyişiklikləri Sumqayıt şəhərinin sosial və iqtisadi həyatına da təsir göstərəcək.

Sumqayit.tv xəbər verir ki, yeni qaydalara əsasən, yaşayış minimumu 300 manat, ünvanlı dövlət sosial yardımı üçün ehtiyac meyarı isə 300 manat müəyyən edilib. Bu dəyişikliklər Sumqayıtda aztəminatlı ailələrin sosial təminat imkanlarını genişləndirə bilər.

Muzdlu işə aid olmayan fəaliyyətdən gəlir əldə edən şəxslər üçün sosial sığorta haqlarının hesablanma qaydası dəyişdirilib. Sumqayıtda fərdi sahibkarlar və özünüməşğul şəxslər gəlirlərinin 2 faizi həcmində sosial sığorta haqqı ödəyəcəklər.

Qeyri-formal məşğulluğa cəlb olunan şəxslər icbari tibbi sığorta üzrə sığortalı qismində çıxış edəcək və sığorta haqqının gecikdirilməsi halında əlavə 10 faiz tətbiq olunacaq.

Bundan başqa, elektrik mühərriki ilə işləyən avtobusların idxalı və satışı üzrə ƏDV güzəşti Sumqayıtda ictimai nəqliyyatın yenilənməsinə töhfə verə bilər.

Eyni zamanda, media subyektlərinin (audiovizual media istisna olmaqla) gəlir vergisindən azad olunması müddəti 2029-cu ilədək uzadılıb ki, bu da region mediası üçün mühüm qərar hesab olunur.

Müəllif: Sumqayit.tv

Bu gün, 17:59 24