İqtisadi Zonaların İnkişafı Agentliyinin (İZİA) idarəçiliyində olan "Azerfloat" Qeyri Səhmdar Cəmiyyəti (QSC) Sumqayıt Sənaye Parkının ərazisində fəaliyyət göstərir.

Sumqayit.tv PhotoStock.az-a istinadən xəbər verir ki, QSC-nin 2021-ci ildə Prezident İlham Əliyevin iştirakı ilə açılış mərasimi keçirilən şüşə zavodu termoformasiya üsulunda vərəqə şüşə istehsal edən ilk müəssisədir.

Zavod şəffaf və rəngli olmaqla hər il 80.000 ton vərəqə şüşə istehsal edir. Müəssisə qısa zamanda həm yerli vərəqə şüşə bazarında müsbət dinamika yaradıb, həm də münasib qiymətə yüksək keyfiyyət axtarışında olan regional emalatçılar üçün əvəzolunmaz ünvana çevrilib.

"Azerfloat" şirkətinin müştəri portfelinə Böyük Britaniya, İspaniya, Niderland, Polşa, İsrail, Rusiya, Gürcüstan, Türkiyə, İrlandiya və Ukrayna kimi müxtəlif ölkələrdə fəaliyyət göstərən şirkətlər daxildir.