Azərbaycanda kirayə yolu ilə mənzilə çıxış imkanlarının genişləndirilməsi istiqamətində həyata keçirilən layihə çərçivəsində Sumqayıt şəhəri üzrə yeni mərhələnin başlanması gözlənilir.

Sumqayit.tv xəbər verir ki, İpoteka və Kredit Zəmanət Fondu vətəndaşların artan tələbatını nəzərə alaraq Sumqayıt şəhərində kirayə mənzil fondunun genişləndirilməsini planlaşdırır. Məlumata görə, yaxın dövrdə şəhərdə əlavə yaşayış sahələrinin alınaraq kirayə mexanizmi ilə vətəndaşların istifadəsinə verilməsi nəzərdə tutulur.

Hazırda layihə çərçivəsində Sumqayıt şəhərində 3 müxtəlif ünvanda kirayə mənzillər təqdim olunub. Təkcə bu il ərzində Sülh prospekti və Sahil küçəsində yerləşən yaşayış sahələri kirayəçilərin istifadəsinə verilib.

Qeyd olunur ki, kirayə mənzil fondu üzrə işlər davam etdirilir və yaxın perspektivdə Sumqayıt şəhərində layihənin əhatə dairəsinin daha da genişləndirilməsi planlaşdırılır.

24-01-2026, 08:50 71