Bu ilin yanvar-fevral aylarında Azərbaycan ilə ABŞ arasında ticarət dövriyyəsinin dəyəri 78 milyon 243 min ABŞ dolları təşkil edib.

Sumqayıt.tv xəbər verir ki,Dövlət Gömrük Komitəsinin məlumatına görə, bu göstərici ötən ilin eyni dövrü ilə müqayisədə 24,6 faiz azdır.

Hesabat dövründə ABŞ ilə ticarət Azərbaycanın ümumi ticarət dövriyyəsinin 2,8 faizini təşkil edib. Belə ki, yanvar-fevral aylarında ABŞ-yə ixrac ümumi ixracın 0,4 faizinə, ABŞ-dən idxal isə ümumi idxalın 2,4 faizinə bərabər olub.

Məlumata əsasən, hesabat dövründə Azərbaycanın ABŞ-yə ixracının dəyəri 55,7 faiz artaraq 15 milyon 988 min ABŞ dolları, bu ölkədən idxalının dəyəri isə 33,4 faiz azalaraq 62 milyon 255 min ABŞ dolları təşkil edib.